ກ່ຽວກັບເຄືອຂ່າຍສະມາຄົມລາວບໍ່ຫັວງຜົນກໍາໄລ (LNN)ແນະນໍາລວມ ເຄືອຂ່າຍສະມາຄົມລາວບໍ່ຫັວງຜົນກໍາໄລ ໄດ້ກໍ່ຕັ້ງຂື້ນຢ່າງບໍ່ເປັນທາງການຮ່ວມກັບບັນດາສະມາຄົມ ຕ່າງໆ ຊຶ່ງເຮັດວຽກ ທາງດ້ານການພັດທະນາທີ່ໄດ້ຮັບອານຸມັດສ້າງຕັ້ງ ແລະ ຂື້ນທະບຽນຈາກບັນດາ ສໍານັກງານທີ່ກ່ຽວຂ້ອງຂອງລັດຖະບານ ເຊັ່ນ: ສໍານັກງານແນວລາວສ້າງຊາດ ແລະ ສະພາວິທະຍາສາດ ແຫ່ງຊາດ. ການກໍ່ຕັ້ງ ແລະ ພັດທະນາແມ່ນໄດ້ເລີ່ມ ແຕ່ຕົ້ນເດືອນ 3 ປີ 2009 ຈຸດປະສົງ-ເພື່ອສົ່ງເສີມການປະສານງານ ແລະ ແລກປ່ຽນຂໍ້ມູນຂ່າວສານຢ່າງມີປະສິດທິພາບ ແລະ ປະສິດທິຜົນ. ໃນເບື້ອງຕົ້ນເຄືອຂ່າຍມີຊື່ວ່າ “ ກຸ່ມສະມາຄົມຊ່ວຍເຫຼືອຊຶ່ງກັນ ແລະ ກັນ” ແລະ ຫັຼງຈາກນັ້ນ ຈິ່ງປ່ຽນມາເອີ້ນຊື່ໃໝ່ວ່າ “ ເຄືອຂ່າຍສະມາຄົມບໍ່ຫວັງຜົນກຳໄລ” ນີ້ກໍ່ເພາະວ່າເພື່ອຢາກໃຫ້ ຊື່ ແລະ ເປົ້າໝາຍ ຂອງເຄືອຂ່າຍສອດຄ່ອງ ແລະ ກົມກ່ຽວກັນ.  ເຄືອຂ່າຍສະມາຄົມບໍ່ຫວັງຜົນກໍາໄລ ເປັນອົງການຈັດຕັ້ງຂອງຄົນລາວສ້າງຕັ້ງຂື້ນຢ່າງບໍ່ເປັນທາງການ ແລະ ບໍ່ກ່ຽວຂ້ອງກັບການເມືອງ. ຈຸດປະສົງຕົ້ນຕໍ່ແມ່ນເພື່ອປະສານງານ, ແລກປ່ຽນຂໍ້ມູນຂ່າວສານ, ຜູກແຫນ້ນຄວາມສາມັກຄີ ແລະ ຊ່ວຍເຫຼືອຊຶ່ງກັນແລະກັນໃນການສ້າງຄວາມອາດສາມາດໃຫ້ແກ່ສະມາຊິກດ້ວຍກັນ ໂດຍບໍ່ຫວັງຜົນກຳໄລ ເຄື່ອຂ່າຍມີຄວາມມຸ້ງໝາຍຊອກຫາຜູ້ຮ່ວມງານ ແລະ ຜູ້ໃຫ້ທຶນເພື່ອຂໍເອົາທຶນຮອນມາປະກອບສ່ວນປະຕິບັດບັນດາກິດຈະ ກຳຕ່າງໆຂອງເຄືອຂ່າຍ ແລະ ກຸ່ມເປົ້າໝາຍເພື່ອຫຼຸດຜ່ອນຄວາມທຸກຍາກໃນ ສປປ ລາວ ຜູ້ຮ່ວມງານແລະຜູ້ໃຫ້ທຶນແກ່ການພັດທະນາເຄືອຂ່າຍໃນປະຈຸບັນນີ້ມີ: ອົງການພັດທະນາຂອງເຢຍລະມັນ (DED) ແລະ ອົງການຄອນເຊີນເວີນວາຍ, ເຂົາເຈົ້າໄດ້ຊ່ວຍເຫຼືອດ້ານການພັດທະນາຄວາມອາດສາມາດໃຫ້ແກ່ພະນັກ ງານຂອງສະມາຊິກເຄືອຂ່າຍ ແລະ ຫ້ອງການສຳລັບເຮັດວຽກ. ທາງເຄືອຂ່າຍໄດ້ພົວພັນແລະເຮັດວຽກຮ່ວມຢ່າງໃກ້ສິດກັບ ພະນັກງານຂອງອົງການຄອນເຊີນເວີນວາຍທີ່ປະຕິບັດວຽກງານກ່ຽວກັບອົງການຈັດຕັ້ງມວນຊົນ ກິດຈະກໍາຕ່າງໆຂອງເຄືອຂ່າຍໃນປະຈຸບັນໄຕ້ການຮ່ວມມືຢ່າງໃກ້ສິດກັບບັນດາຜູ້ຮ່ວມງານພາຍໃນ ແລະ ຕ່າງປະເທດເຄືອຂ່າຍໄດ້ແລະພ້ອມປະຕິບັດ: ຈັດຕັ້ງການເຝິກອົບຮົມເພື່ອສ້າງຄວາມອາດສາມາດໃຫ້ແກ່ພະນັກງານຂອງສະມາຊິກເຄືອຂ່າຍໃນຫຼາຍຫົວຂໍ້ທີ່ຈໍາເປັນແລະຂັດເລືອກ ຈັດຕັ້ງການໄປທັດສະນະສຶກສາແລກປ່ຽນຖອດຖອນບົດຮຽນນໍາບັນດາເຄື່ອຂ່າຍໃນປະເທດໄກ້ຄຽງ ເຊັ່ນ: ສສ ຫວຽດນາມ ແລະ ກໍາປູເຈຍ ປະສານງານຮ່ວມກັນເພື່ອແລກປ່ຽນຂໍ້ມູນດ້ວຍຮູບແບບຕ່າງໆ ເຊັ່ນ: ການຈັດພິມແຜ່ນພັບ, ໂຄສະນາ ແລະ ຂ່າວສານຕ່າງໆ, ຈັດກອງປະຊຸມເພື່ອປຶກສາຫາລື ແລະ ອື່ນໆ
|
|
